Maglaro na ng CODM tulad ni Bobby!
Nagkaroon na ng kaniyang sariling operator skin ang shoutcaster at Call of Duty Mobile ambassador na si Bobby Plays sa free-to-play mobile shooter game na ‘to.
Sinamahan ni Bobby ang mga kapwa ambassadors niya na sina Ferg at HawksNest sa Creator Bundle campaign ng laro, na kung saan ginawang playable operators ang tatlo sa pinakamalaking CODM streamers.
Tignan ang in-game skin ni Bobby Plays
Ginawang frag machine ng Bobby Plays operator skin na ‘to ang down-to-earth shoutcaster na kilala nating lahat.
Habang mayroon din siyang talukbong tulad ng ibang creator skins, nangingibabaw si Bobby dahil mayroon siyang granada, satchels, at isang walkie-talkie. Mayroon ding ternong GKS weapon skin na may kaparehas na kulay na purple at green.
Maaring gayahin ng mga diehard fans ni Bobby ang di malilimutang nangyari sa stream niya sa anyo ng “Painting Falls” emote, isang pagtukoy sa araw na nahulugan siya ng painting sa ulo sa stream niya.
Paano ma-unlock ang Bobby Plays operator skin sa Call of Duty Mobile
Ang opisyal na operator skin na ito ay available na para bilhin bilang parte ng Bobby Plays Bundle sa halagang 980 CP.
May kasama rin itong GKS SMG skin, at iba pang bagay tulad ng calling card at equipment skin.
Sundan ang ONE Esports sa Facebook para sa karagdagang balita, gabay, at highlights tungkol sa COD.
