Kung mahilig kang maglaro ng League of Legends: Wild Rift (o kahit anong mobile game), alam mong impotrtante na protektahan ang iyong device sa pagkakasira o gasgas. Pag maganda ang kondisyon ng smartphone mo, nakakatulong din itong mapaganda ang performance mo.
Buti na lang at naglabas ang RhinoShield ng official Wild Rift phone case collection para matulungan kang mapangalagaan ang iyong mobile phone.
Ang RhinoShield x Wild Rift phone case collection
Ang mobile accessory brand na RhinoShield ay nakipagtulungan sa Riot Games upang mailunsad ang official Wild Rift phone cases. Ang mga disenyo ay base sa key visuals ng MOBA game kung saan kabilang ang mga Wild Rift champions na may solid color brush stroke background. Merong 16 designs na pagpipilian para sa iba’t ibang smartphones – iPhone, Samsung Galaxy, Xiaomi, Huawei, at iba pa!
Para sa mga mid mains, tampok sa Wild Rift phone case collection na ito si Annie (kasama ang kanyang Tibbers), Fizz, Lux, Teemo, Yasuo, Ziggs, at Zed. Bagay na bagay ang Zed transpoarent phone case sa black na smartphone.
Meron ding mga phone cases para sa mga Wild Rift marksman players at dragon laners. Mamili kina Ashe, Ezreal, Jinx, at Miss Fortune.
Ang Garen at Wukong phone cases naman ay bagay sa mga Baron laners.
Saan mabibili ang Wild Rift phone cases
Ang mga Android at iOS Wild Rift phone cases na ito ay mabibili sa official website ng RhinoShield. Nagkakahalaga sila ng US$40 bawat isa. Maari kang mamili mula sa mga case styles ng RhinoShiled – Mod NX para sa style at Solid Suit naman para sa tibay. Ang Solid Suit ay available lamang para sa iPhone 6, 6s, o mga mas bago at piling Android devices.
