Inanunsyo ng ten/o media ang muling pagbabalik ng Intercontinental Fight Club Asia (ICFC Asia) ngayong April.
Matapos ang ilang buwan ng pamamahinga, muling nagbabalik ang nangungunang open online tournament para sa mga Tekken players ng mga suportadong rehiyon na North America, Europe, at Asia.
Ano ang ICFC Asia?
Naging sandigan ang ICFC upang mag-survive ang Tekken at Guilty Gear community sa gitna ng pandemya. Naging tulay din ito upang magkaroon ng mas matibay na ugnayan ang mga players mula sa iba’t-ibang panig ng Asia.
Naging matunog sa ICFC ang maraming prominenteng pangalan tulad nina Book, Gen, Jules, at AK. Inaasahang mas dadami pa ang masasaksihan na magagandang laban (o Good Ass Tekken) sa paparating na season.
Alamin ang iba pang detalye at kung paano makasali sa tweet ng ten/o.
Sinong Tekken player ang inaabangan mo sa ICFC Asia Season 5?
Para sa iba pang balita tungkol sa gaming at esports, i-like at i-follow ang ONE Esports Philippines sa Facebook.
