Isinapinal na ng Smart Omega ang lineup na sasabak sa gugulong na MPL Philippines Season 11, karugtong ng anunsyo ng organisasyon sa kanilang social media pages.
Hindi muna lalahok sa aktibong roster ang star roamer na si Joshua “Ch4knu” Mangilog para sa unang edisyon ng MPL PH ngayong taon, habang ang dating ‘El Kapitan’ na si Patrick “E2MAX” Caidic ay gaganap na ngayon bilang assistant nina Jomie “Pakbet” Abalos (technical coach) at Tony “Ynot” Senedrin (head coach).
Makakapalit ni E2MAX bilang kapitan ng koponan si Renz “Renzio” Cadua na susubukang pangunahan ang ang kampanya ng Barangay ngayong season, katulong ang superstar gold laner na si Duane “Kelra” Pillas at jungler na si Dean “Raizen” Sumagui.
Samantala, tatangkain namang paigtingin ng roamer na si Deomark “Mikko” Tabangay ang kaniyang magilas na rookie campaign papunta sa Season 11, habang ang gold laner na si Dale “Stowm” Vidor ay susubok na ilabas ang mga natutunan mula sa Bren Esports.
Kukumpletuhin ng dating amature standout na si Louis Gabriel “Louis” Ariola ang lineup ng Smart Omega para sa MPL PH S11.
Lineup ng Smart Omega para sa MPL PH S11
- Renz “Renzio” Cadua
- Duane “Kelra” Pillas
- Dean “Raizen” Sumagui
- Deomark “Mikko” Tabangay
- Dale “Stowm” Vidor
- Louis Gabriel “Louis” Ariola
- Patrick “E2MAX” Caidic (Assistant Coach)
- Jomie “Pakbet” Abalos (Technical Coach)
- Tony “Ynot” Serendrin (Head Coach)
Bubuksan ng lupon ang kanilang kampanya sa Season 11 kaharap ang ONIC Philippines sa unang match sa Sabado, February 18.
Manatiling nakatutok sa mga updates sa MPL PH sa pamamagitan ng pag-like at pag-follow sa Facebook ng ONE Esports Philippines!
BASAHIN: 3MarTzy at Rafflesia bibida sa MDL ID team na Pendekar Esports
