Tukoy na ang anim na miyembrong bubuo sa SIBOL MLBB team na isasabak sa ika-32 SEA Games.
Sasamahan ni Nowee Macasa mula sa ONIC Philippines ang limang miyembro ng BREN Esports para subukang i-uwi ang ikatlong-sunod na gintong medalya mula sa naturang palakasan.
Matatandaang pinangibabawan ng BREN Esports ang SIBOL MLBB National Team Selection na ginanap noong Enero. Tinalo nila ang amateur teams na Minana Esports at AP Esports para mapabilang combine, kasama ang ECHO, ONIC PH, at GameLab.
Pagdating sa semifinals, nilusutan nila ang world champion, saka winalis ang koponang pinangungunahan ni Mark “Dokmen” Nazar.
Matapos ang qualifier, isinalang ang apat na koponan sa tatlong araw kung saan isinailalim sila sa scrimmages, experimentation, at analysis para matukoy ang mga miyembrong bubuo sa national MLBB team.
Roster ng SIBOL MLBB para sa ika-32 SEA Games
- Nowee “PHI.Macasa” Macasa
- Marco Stephen “PHI.Requitiano” Requitiano
- Angelo Kyle “PHI.Arcangel” Arcangel
- Michael Angelo “PHI.Sayson” Sayson
- David Charles “PHI.Canon” Canon
- Rowgien Stimpson “PHI.Unigo” Unigo
- Francis John “PHI.Glindo” Glindro (Coach)
Samantala, nakatakda naman iraos ang ika-32 SEA Games simula ikalima hanggang ika-17 ng Mayo. Gaganapin ito sa Phnom Penh, Cambodia.
Para sa karagdagang esports balita, guides, at highlights, i-follow lang ang ONE Esports Philippines sa Facebook.
BASAHIN: MPL PH S11: Schedule, resulta format, at saan mapapanood
