Sa isang napakalupit na Fortnite showmatch, ipinakita ng kilalang artista na si Megan Fox at musician na si DJ Khaled ang kanilang competitive gaming side sa LG OLED Ultimate Gaming Showdown.
Ang dalawang American icons na ito ay naglaro ng battle royale game na Fortnite habang nasa tabi nila ang Evil Geniuses coaches na sina Justin “FearItSelf” Kats at Wilton “Zews” Prado.
Sa isang pagkakataon, nagkaroon ng isang surprise appearance ang rap artist at partner ni Megan Fox na si Machine Gun Kelly sa stream para I-distract ang kaniyang nobya.
Nilaro sa isang point-bases ang celebrity Fornite showdown na ito, kung saan makakaipon si Megan Fox, DJ Khaled, at ang kanilang coaches ng points base sa kanilang performance.
- Elimination – 3 points
- Revival – 2 points
- Knockdown – 1 point
- Victory Royale – 10 points
Tatlong 20-minute rounds ang nilaro nina Megan Fox at DJ Khaled, kung saan doble ang points na makukuha sa last round.
Ito ang tatlo sa pinakamatinding plays na nakita namin sa epic na Fortnite showdown na ito.
3. Pro move mula kay Megan Fox
Nagpakita ng pro-level moves si Megan Fox matapos maisagawa ang isang kahanga-hangang move na ito laban sa isa sa kaniyang mga kalaban.
Nagpakita ng pro-level moves si Megan Fox matapos maisagawa ang isang kahanga-hangang move na ito laban sa isa sa kaniyang mga kalaban.
2. Pinrotektahan ni FearItself si DJ Khaled kahit ano mang mangyari
Sa isang mabilis na move, nailigtas ng Evil Geniuses streamer na si FearItself si DJ Khaled mula sa panganib.
Pumasok sa isang kotse si FearItself at pinuntahan si Khaled na pinauulanan ng bala. Nakapasok sa kotse si DJ Khaled nang may isang pixel ng HP na lang ang natira sa kaniya, habang lumabas si FearItself para I-depensa ang buhay ng kaniyang kakampi.
1. Nanalo ang Team Megan Fox sa Fortnite Showdown
Matapos makakuha ng 210 points, nakasungkit ng isang matamis na panalo si Fox laban kay Khaled matapos ang isang oras nang looting, reviving at pag-eliminate ng kalaban sa Fortnite. Hindi malaki ang lamang ni DJ Khaled sa kaniyang 189 points.
Natapos ang kompetisyon nang masaya ang lahat, at sinabihan pa ng American DJ si Fox na siya ay parte na ng kaniyang pamilya. Inimbita pa ni Khaled si Megan Fox at ang kaniyang partner na si Machine Gun Kelly para sumakay sa yacht niya sa Miami.
