Lalong naging kapana-panabik ang road to M4 World Championship para sa North America.
Inanunsyo ng Moonton na ang North America Challenger Tournament-Fall Season (NACT Fall Season) grand final ay isasagawa offline nang may live audience sa PokerGO Studio sa Las Vegas, Nevada sa ika-30 ng Oktubre, 6:30 p.m. EST (ika-31 ng Oktubre, 6:30 a.m. sa Pilipinas).
Bukod sa pagbandera ng rehiyon sa M4, iuuwi rin ng kampeon ang lion’s share ng US$14,500 o mahigit PHP800,000 na prize pool at 730,000 diamonds.
Tampok ang The Valley at The Simpsons sa NACT Fall Season grand final
Sa grand final ng NACT Fall Season, nakatakdang magsalpukan ang The Valley at The Simpsons sa isang best-of-7 series.
Binubuo ang The Valley nila dating BloodThirstyKings members Michael “MobaZane” Cosgun, Ian “FwydChckn” Hohl at SHARK kasama sina dating MPL PH player Peter Bryce “Basic” Lozano at content creator Jang “Hoon” Du-hoon.
Libre ang admission, pero para sa mga gustong manood nang live ay kailangang magreserba ng upuan sa pamamagitan ng opisyal na Discord ng liga. Mayroon ding libreng Mobile Legends merch, giveaways at Epic skin codes para sa mga magpupunta.
Noong nakaraang taon, nagpasiklab ang rehiyon sa M3 World Championship matapos patumbahin ng BTK ang MPL PH powerhouse na Blacklist International sa upper bracket quarterfinal, 3-2, at 2-time MPL SG champion na EVOS SG, 3-1, sa semifinal.
Sa kasamaang palad, winalis sila ng ONIC PH sa upper bracket final at tuluyang pinatalsik ng Blacklist sa lower bracket final. Nagtapos sina MobaZane at BTK sa 3rd place, at sila ang unang non-MPL team na nakasungkit ng podium finish sa M-series.
I-like at i-follow ang ONE Esports Philippines sa Facebook para sa MLBB news, guides at updates.
Pagsasalin ito ng artikulo ni Jules Elona ng ONE Esports.
