Kumpletong roster ng bawat team na magbabanatan sa MPL SG Season 4

Kapanapanabik ang inaasahan ng mga miron sa gumugulong na Mobile Legends: Bang Bang Season 4 (MPL SG Season 4) , ang huling MPL torneong gaganapin sa Singapore ngayong taon.

Makukuha ng magiging kampeon ang pinakamalaking bahagi sa S$100,000 prize pool gayundin ang tiket papunta sa M4 World Championship na gaganapin sa Indonesia sa Enero sa susunod na taon.

Matapos ang brilyanteng performance noong nakaraang season, magbabalik ang RSG SG para depensahan ang kanilang korona sa harap ng bago at datihan ng mga katunggali sa eksena.

Bagamat maraming bagong teams na maglalaro ngayong MPL SG Season 4, hindi bago sa mga players na maglalaro sa ilalim ng kanilang mga bandera ang kompetisyon sa MPL. Isa sa mga ito ang Slate Esports na binubuo ng dating mga miyembro ng EVOS SG.

Ang koponan ng Stellark na nakaselyo ng slot sa open qualifier ay titindig kasama ng mga beterano ng liga, katuwang ang season 1 rookie of the year na si Boon Wei Xing “OhDeerBambi” Robert at ni Ho Ee “SynC” Hong na magbabalik sa eksena matapos ang isang taong break.

Heto ang kumpletong listahan ng rosters na sasabak sa MPL SG Season 4.

Roster ng bawat team na kalahok sa MPL SG Season 4

RSG SG

Lumisan na sa roster ang beteranong si Lim “Ly4ly4ly4” Yang mula sa RSG SG noong offseason, kung kaya’t maiiwan bilang nag-iisang jungler sa lineup si Brayden “BRAYYY” Teo para sa MPL SG Season 4.

Makakatuwang niya ang rookies na sina Yong Seng You “CS” Chester, Royven “Roy.” Tan, and Jason Lai Yan “.Jason” Jun para tangkaing depensahan ang kanilang korona. Sa kabilang banda, mananatili sa puder ng mga kampeon ang team captain na si Yeo Wee “Diablo” Lun kasama sina Jovan Ong Jin “.babycakes” Heng, at Yeo “.Lolsie” Bellamy.

Stellark

Magbabalik sa competitive play matapos ang isang taon ang dating RSG SG pro na si Ho Ee “SynC” Hong, ngunit sa pagkakatong ito ay sa ilalim naman ng bandera ng Stellark. Makakasama niya sa lineup ang dati niyang teammate na si Javon Ham Kao “Fossa.” Yee.

Binigyan din ng pagkakataon ng Stellark na gumawa ng pangalan sa Singapore ang Laotian player na si Subthavy “Bzyzzz” Chanthalath na dating naglaro para sa Nightmare Esports noong Mobile Legends: Bang Bang Southeast Asia Cup 2021 (MSC 2021).

Slate Esports

Matapos mag-disband ng EVOS SG, sinabi ni Stefan Chong “Soul” Ru Chyi sa ONE Esports na nais ng kaniyang teammates na muling magsama-sama para ngayong season. Ito nga ang naganap matapos itatag ng kanilang head coach na si Daryl “Youngin” Ng ang Slate Esports.

Ang dating EVOS SG members na sina Adam “Adammir” Chong, Akihiro “JPL” Furusawa, Basil Lim “Seilah” Dao Ze, and Tristan Christopher “Gear” Nathanael ang magdadala ng watawat ng koponan. Sasamahan sila ng mga bagitong sina Ng Bi “FMM” De at Jaeden “Jae x Love” Tan para subukang kuhanin muli ang korona ngayong MPL SG Season 4.

Zion Esports

Sina Lim Wei “Vanix.” Jun Keith, Andy Lau Dong “Azura X” Xuan, at Long “Supergirl” na lamang ang pros na nanatili sa puder ng Zion. Susubukan silang pangunahan ng dating EVOS SG jungler pro at legend n si Andrew “Potato” Lim bilang head coach para baliktarin ang kanilang tadhana ngayong MPL SG Season 4.

EVIL

Naging paborito ng mga miron ang EVIL matapos manakawan ang EVOS SG at Team Flash noong nakaraang season. Bibigyan nila ng isa pang pagkakataon ang kanilang main five ngayong MPL SG Season 4, na mas patitikasin ng bagong recruit nila na si Alvin “Tzu.” Teo.

Revival

Ang Revival ay isang all-rookie team na pangungunahan ng three-time MPL champion at dating RSG SG star na si Lim “Ly4ly4ly4” Yang.

Team Flash

Milagroso ang naging kampanya ng Team Flash noong nakaraang season ng magawa nilang makapunta sa lower bracket final, bagamat isang panalo lamang ang nailista nila sa regular season.

Dahil sa pagkawala ni Wei “Aeon” Sheng ngayong MPL SG Season 4, si William “a1a2” Heese ang tatao sa midlane katuwang dating RSG SG player na si Eugene “Kayzeepi” Kong, Remas “remaniscent” Ker at dating EVOS SG pro na si Jun “Pokemon.” Hong at ni Oh Tian ” ALPHA V9″ Boon.

Team SMG SG

Kasabay ng pagkapurnada ng kanilang kampanya sa unang round ng playoffs noong Season 3, nawala rin sa kamay ng SMG SG ang kanilang slot sa liga. Kinailangan nilang sumali sa open qualifier para mabawi ang nasabing slot at magkaroon ng tiyansang baguhin ang tadhana ngayong MPL SG Season 4.

Kasama ang dating EVOS SG jungler na si Skye “Joxxx” Goh, dinomina ng Team SMG SG ang open qualifier.

Bukod dito, nagsagawa rin ng mga importanteng pagbabago ang koponan sa offseason. Ang players na sina Ho Jun “Dairy” En, Lim Jia “RUM RUM RUM.” Kai, at Alif “Ash” ang natirang miyembro mula sa roster na sumabak noong nakaraang season.

Gumulong na ang MPL SG Season 4 noong September 3.

I-like at i-follow ang ONE Esports Philippines sa Facebook para sa pinakahuli tungkol sa MPL.

BASAHIN: MPL SG Season 4 gaganapin offline sa harap ng live audience