Listahan ng roster changes sa MPL PH Season 11

Huling update: February 9, 2023

• Demonkite at Aqua out muna, Light gagabayan pa rin ang RSG Slate PH sa MPL PH S11 (Feb 09)
• Sasandal ang Blacklist sa bagong-pormang lineup na ito para depensahan ang korona sa MPL PH S11 (Feb 09)
• Hadji, BON CHAN hindi muna sasabak para sa Blacklist sa MPL PH Season 11
• Panoorin ang maangas na roster reveal ng TNC para sa MPL PH Season 11
• Nexplay EVOS ibabandera ng Minana Esports kasama si YellyHaze sa MPL PH S11
• H2wo pasok bilang jungler ng RSG Slate PH sa MPL PH S11
• Ch4knu out na muna sa lineup ng Smart Omega sa MPL PH S11, E2MAX gaganap na assistant coach

Magtatagisan muli ang walong premyadong koponan para sa kampeonato sa Mobile Legends: Bang Bang Professional League Philippines Season 11 (MPL PH Season 11).

Bago pa man magsimula ang M4 World Championship, may mga naganap nang pagbabago sa lineup ng ilang koponan. Inaasahang marami pang susunod upang palakasin ang kani-kanilang komposisyon para sa tangkang patalsikin ang kasalukuyang kampeon ng liga na Blacklist International at pigilan ang arangkada ng naghaharing kampeon sa buong mundo na ECHO.

Narito ang listahan ng roster changes sa bawat koponan para sa darating na MPL PH Season 11.

(Ia-update ng ONE Esports Philippines ang listahan sa paglabas ng mga panibagong balita at anunsyo.)

Roster changes sa MPL PH Season 11

ECHO

Papasok ang ECHO sa MPL PH Season 11 bilang reigning world champion matapos tuldukan ang kanilang matagumpay na kampanya sa M4 ng 4-0 sweep laban sa Blacklist International. Bago ito, nakamit ng Purple Orcas ang ikalawang puwesto sa likod ng Blacklist noong Season 10 sa pangunguna nila Karl Gabriel “KarlTzy” Nepomuceno at Tristan “Yawi” Cabrera.

November 16 – Ginawa ng ECHO ang unang roster change para sa darating na season sa pamamagitan ng pamamaalam kay Frediemar “3MarTzy” Serafico.

February 4 – Inilahad ng ECHO ang roster ng kanilang MDL PH Season 1 squad na ECHO Proud. Lumipat dito sina Jaypee “Jaypee” Dela Cruz, Jankurt “KurtTzy” Matira, Justine “Zaida” Palma, at Jhonville “Outplayed” Villar.

February 9 – M4 world champion core ng ECHO solido pa rin para sa MPL PH S11

Kasalukuyang roster ng ECHO sa MPL PH Season 11

Blacklist International

Sa pagbabalik ng pamosong V33Wise duo na sina Johnmar “OhMyV33nus” Villaluna at Danerie James “Wise” Del Rosario, sinungkit ng Blacklist International ang kanilang ikatlong kampeonato sa MPL PH laban sa ECHO nitong nagdaang Season 10. Subalit nabigo ang Codebreakers na madepensahan ang world title kontra a rin sa Orcas sa M4 na ginanap sa Jakarta, Indonesia.

January 20 – Kumpirmadong maglalaro ang V33Wise para sa Blacklist sa MPL PH Season 11. Wala pang update patungkol sa kung sino ang bubuo sa lineup.

February 4 – Eson liliban muna sa MPL PH S11

February 6, 8 – Hadji, BON CHAN hindi muna sasabak para sa Blacklist sa MPL PH Season 11

Feb 9 – Sasandal ang Blacklist sa bagong-pormang lineup na ito para depensahan ang korona sa MPL PH S11

Kasalukuyang roster ng Blacklist International sa MPL PH Season 11

RSG Slate PH

Mula sa kanilang tagumpay sa MPL PH Season 9 at MLBB Southeast Asia Cup (MSC) 2022, kinapos ang RSG PH na makapasok sa M4 at lumapag sa third place. Inaasahan na magiging gigil ang Raiders sa darating na season lalo’t nakataya dito ang slots ng liga sa susunod na MSC kung saan susubukan nilang panatilihin ang kanilang titulo bilang “Kings of SEA”.

January 25 – Binitawan na ng RSG PH ang beteranong EXP laner na si Kenneth Jiane “Kenji” Villa.

February 6 – Nilipat sina Clarense “Kousei” Camilo, John “1rrad” Tuazon at John “Perkz” Sumawan sa RSG Ignite na sasabak sa MDL PH Season 1.

February 7 – H2wo pasok bilang jungler ng RSG Slate PH sa MPL PH S11. Inilahad din ang bagong assistant coach na si John Theo Eusebio.

February 8 – Ipinakilala ang bagong players na sina Salvick “Kouzen” Tolarba (gold laner) at Jann Kirk “Kirk” Gutierrez (EXP laner).

February 9 – Demonkite at Aqua out muna, Light gagabayan pa rin ang RSG Slate PH sa MPL PH S11

Kasalukuyang roster ng RSG Slate PH para sa MPL PH Season 11

Bren Esports

Matapos ang kabiguan sa dalawang nakalipas na season, nagbalik ang tikas ng Bren Esports sa MPL PH S10 at nakapasok sila sa playoffs bago magtapos sa fourth place. Kasama ang kasalukuyang Rookie of the Season na si Kyle “KyleTzy” Sayson, tatangkain ng Bees na dalhin ang kanilang mainit na momentum sa susunod na season.

November 24 – Out na sa koponan sina jungler Kenneth “Saxa” Fedelin, roamer Vincent “Joy Boy” De Guzman at mid laner Dale “Stowm” Vidal.

December 16 – Umalis si assistant coach Jian Paulo “Pauloxpert” Munsayac at lumipat sa Bigetron Alpha.

January 25 – Ipinakilala ang lineup ng BREN Esports para sa MPL PH Season 11.

Kasalukuyang roster ng Bren Esports para sa MPL PH Season 11

Smart Omega

Inasahang babawi ang Smart Omega sa Season 10 lalo pa’t nanggaling sila sa back-to-back runner-up finishes noong Season 9 at MSC 2022. Sa kasamaang palad, hindi ito ang naganap at agad silang nalaglag sa unang round ng playoffs para sa 5th-6th place. Pero siguradong aasamin ng Barangay na mas lalong paigtingin pa ang kanilang kamandag sa susunod na season.

February 3 – Inilahad bilang miyembro si Kiel VJ “Kielvj” Hernandez ng kanilang MDL PH team na Smart Omega Neos.

February 4 – Ch4knu out na muna sa lineup ng Smart Omega sa MPL PH S11, E2MAX gaganap na assistant coach

Kasalukuyang roster ng Smart Omega para sa MPL PH Season 11

ONIC PH

Galing sa amateur squad na Monster Anarchy, pinakita ng mga bagito ng ONIC PH na kaya nilang makipagsabayan sa mga beterano ng liga. Nakapasok ang PH Yellow Hedgehogs sa playoffs ng Season 10 ngunit sa huli ay lumitaw ang kanilang kakulangan sa karanasan at tuluyang lumapag sa 5th-6th.

January 23 – Inanunsyo ng koponan ang paglisan nila coach Jeffrey “Jeff” Manforte at captain-roamer Ralph “Rapidoot” Adrales.

• Basahin: Magkahalong beterano, sophomores at rookies ang babandera para sa ONIC PH ngayong MPL PH S11

Kasalukuyang roster ng ONIC PH para sa MPL PH Season 11

Nexplay EVOS

Hindi pa rin nakuha ng Nexplay EVOS ang tamang timpla sa MPL PH Season 10 kahit pa nagpasok sila ng ilang manlalaro. Dahil dito ay maaga silang natanggal at nauwi sa 7th-8th place. Usap-usapan naman ngayon na may bagong koponan na papalit sa Tigers pagdating ng Season 11.

January 20 – Nagpaalam na si Renejay “RENEJAY” Barcarse sa koponan at sumanib sa SIBOL MLBB qualifier squad ng Blacklist International.

February 4 – Lumipat si James “Jeymz” Gloria sa ECHO Proud para sa MDL PH Season 1.

February 8 – Nexplay EVOS ibabandera ng Minana Esports kasama si YellyHaze sa MPL PH S11

Kasalukuyang roster ng Nexplay EVOS para sa MPL PH Season 11

TNC

Bagamat nanatili ang kanilang solidong lineup, bumulusok ang TNC sa MPL PH Season 10 at hindi nagawang gayahin ang kanilang mainit na paglipad patungo sa No. 3 spot noong Season 9. Susubukan ng Phoenix Army na bumangon mula sa 7th-8th resulta at muling ibalik ang apoy sa kanilang laro.

November 18 – Binitawan ng koponan si Salman “KingSalman” Macarambon.

November 19 – Kumalas si Daniel “SDzyz” Chu at lumipat sa kilalang amateur team na Z4 Pegaxy.

Feb 7 – Panoorin ang maangas na roster reveal ng TNC para sa MPL PH Season 11

Kasalukuyang roster ng TNC para sa MPL PH Season 11

I-like at i-follow ang ONE Esports Philippines sa Facebook upang manatiling updated sa mga roster changes sa MPL PH Season 11.