Ang Moonton Games, kilalang developer at publisher ng Mobile Legends: Bang Bang, ay magkakaroon ng kauna-unahang M Summit. Ang event na ito ay isang business conference para sa mga professionals ng esports t gaming industry.
Ang M Summit ay inhahandog upang pagsama-samahin ang mga esports at game professionals upang bumuo at pagtibayin ang koneksyon sa industriya, upang makapagbukas ng mga oportunidad para sa mga local game developers at mag-level up.
Tampok sa conference na ito ang maraming speakers at panelists na tatalakay sa maraming bagay sa industriya ng esports at gaming. Layunin nitong mas mapalawak ang pananaw ng mga dadalo at buksan ang mga mata ng maraming partido tungkol sa potensyal ng esports at gaming.
Mga detalye ng unang M Summit ng Moonton
Ang M Summit ay isang business-to-business (B2B) conference at gaganapin lamang nang isang araw, Friday, January 13, sa Hutan Kota by Plataran, Senayan, Central Jakarta. Ang lokasyon na ito ay hindi kalayuan mula sa pagdarausan ng M4 World Championship playoffs sa Tennis Indoor Stadium Senayan.
Sa isang buong araw, magkakaroon ang conference ng series ng mga panels at workshops sa edukasyon, networking, at mga oportunidad sa industriya. Ang magiging focus ng conference ay mobile esports, ang gaming ecosystem, corporate social responsibility (CSR), at talent management.
Para sa mga interesadong dumalo sa conference, maaaring mag-register sa January 13, 2023, 1:00 p.m. WIB, sa Hutan Kota by Plataran.
Para sa iba pang balita tungkol sa gaming at esports, i-like at i-follow ang ONE Esports Philippines sa Facebook.
