Kinikilala ang Mobile Legends: Bang Bang Professional League Philippines (MPL PH) bilang ang pinakamalakas sa buong mundo. Sa naturang liga nagmula ang mga kampeon sa iba’t-ibang international tournaments ng laro, gaya ng M-series World Championship, MLBB Southeast Asia Cup, at Southeast Asian Games.
Narito ang listahan ng mga koponang nangibabaw sa pinakamalakas na rehiyon ng MLBB.
Listahan ng MPL PH champions
| TURNEO | KAMPEON | IKALAWA | ISKOR |
| MPL PH Season 1 | Aether Main | Digital Devils Pro Gaming | 3-0 |
| MPL PH Season 2 | Cignal Ultra | Bren Esports | 3-1 |
| MPL PH Season 3 | ArkAngel | Bren Esports | 3-2 |
| MPL PH Season 4 | Sunsparks | ONIC PH | 3-2 |
| MPL PH Season 5 | Sunsparks | ONIC PH | 3-1 |
| MPL PH Season 6 | Bren Esports | Omega Esports | 4-2 |
| MPL PH Season 7 | Blacklist International | Execration | 4-3 |
| MPL PH Season 8 | Blacklist International | ONIC PH | 4-1 |
| MPL PH Season 9 | RSG PH | Smart Omega | 4-1 |
| MPL PH Season 10 | ? | ? | ? |
Kampeon ng MPL PH Season 1 — Aether Main
Aether Main ang kauna-unahang kampeon ng MPL Philippines. Sinelyo nila ang kampeonato matapos walisin ang Digital Devils Pro Gaming sa grand final.
Roster:
- Mico “Coco” Sampang
- Yuji “Yuji” Aizawa
- Jniel “YellyHaze” Bata-anon
- Renz “Pein” Reyes
- Carlito “Ribo” Ribo
- Matthew “666” Mandilag
Kampeon ng MPL PH Season 2 — Cignal Ultra
Nagawang mapagtagumpayan ng Cignal Ultra, na dating Digital Devils Pro Gaming, ang grand final ng Season 2 matapos bawian ang BREN Esports, na kinuha ang roster ng Aether Main.
Roster:
- Erwin “Yakou” Magno
- Mark “Dysania” Cruz
- Angelo “Pheww” Arcangel
- Marc “Dee” Luis
- Lester “Tets” Santos
- Mark Jayson “ESON” Gerardo
Kampeon ng MPL PH Season 3 — ArkAngel
Hinirang na kampeon ang ArkAngel ng ikatlong season ng liga matapos nilang talunin ang BREN Esports sa grand finals. Kinailangan ang lahat ng laro ng best-of-five serye, bago mangibabaw ang koponang ginagabayan ni Coach Brian “Panda” Lim.
Roster
- Jeff Franklin “Jeffqt4ever” Anaya
- Allan “Lusty” Castromayor
- Ashley Marco “Killuash” Cruz
- Kyle “Ryo” Berceño
- Jay “Jay” Torculas
Kampeon ng MPL PH Season 4 — Sunsparks
Sinimulan ng Sunsparks ang pag-ukit ng kasaysayan ng liga matapos nilang mapagtagumpayan ang ika-apat na season. Tampok sa kanilang kampanya sa grand final ang Arrival play ng kapitan nilang si Christian “Rafflesia” Fajura na nagtanggi sa tsansa ng ONIC Philippines na maging kampeon.
Roster:
- Christian “Rafflesia” Fajura
- Kiel VJ “KielVJ” Hernandez
- Jaypee “Jaypee” Dela Cruz
- Renz “Renzio” Cadua
- Cedric “Fuzaken” Pasusani
Kampeon ng MPL PH Season 5 — Sunsparks
Kinilala ang Sunsparks bilang ang kauna-unahang back-to-back MPL PH champions matapos ang nilang selyuhin ang kampeonato noong Season 5. Muli nilang dinaig ang ONIC PH sa grand final, sa iskor na 3-1, sa tulong ng Natalia ni Allen “Greed” Baloy.
Roster:
- Allen “Greed” Baloy
- Ashley Marco “Killuash” Cruz
- Kiel VJ “KielVJ” Cruzem
- Renz “Renzio” Cadua
- Jaypee “Jaypee” Dela Cruz
- Christian “Rafflesia” Fajura
Kampeon ng MPL PH Season 6 — BREN Esports
Matapos ang dalawang sunod na pagkabigo noong Season 2 at 3, nauwi na sa wakas ng BREN Esports ang pinaka-aasam na kampeonato sa ika-anim na season ng liga. Sa grand final, dinaig nila ang Omega Esports, sa iskor na 4-2.
Roster:
- Carlito “Ribo” Ribo
- Angelo “Pheww” Arcangel
- David Charles “FlapTzy” Canon
- Karl Gabriel “KarlTzy” Nepomuceno
- Allan “Lusty” Castromayor
Kampeon ng MPL PH Season 7 — Blacklist International
Nitong season nagsimula ang pangingibabaw ng Blacklist International sa liga. Lumipat sina Johnmar “OhMyV33nus” Villaluna at Danerie James “Wise” Del Rosario mula ONIC PH para dominahin ang liga hanggang sa grand final kontra Execration, sa iskor na 4-3.
Roster:
- Edward Jay “EDWARD” Dapadap
- Mark Jayson “ESON” Gerardo
- Kiel “OHEB” Soriano
- Danerie James “Wise” Del Rosario
- Johnmar “OhMyV33nus” Villaluna
- Dexter “DEX STAR” Alaba
Kampeon ng MPL PH Season 8 — Blacklist International
Nagpatuloy ang pamamayagpag ng Blacklist International sa ikawalong season ng liga. Tagumpay nilang napensahan ang kanilang titulo kontra ONIC PH, sa iskor na 4-1, para hirangin bilang back-to-back champions.
Roster:
- Edward Jay “EDWARD” Dapadap
- Kiel “OHEB” Soriano
- Danerie James “Wise” Del Rosario
- Salic “HADJI” Imam
- Johnmar “OhMyV33nus” Villaluna
- Mark Jayson “ESON” Gerardo
- Dexter “DEX STAR” Alaba
Kampeon ng MPL PH Season 9 — RSG Philippines
Muling nakaselyo ng kampeonato si Coach Panda nang pangibabawan ng RSG PH ang liga noong ikasiyam na season. Sa kahabaan ng kanilang kampanya, dalawang beses lang sila natalo noong regular season, habang isang laro lang kontra Smart Omega sa grand final, ang kanilang nabitawan.
Roster:
- Nathanael “Nathzz” Estrologo
- Eman “Emann” Sangco
- Jonard Cedrix “Demonkite” Caranto
- Arvie “Aqua” Antonio
- Dylan “Light” Catipon
Para sa karagdagang balita sa esports at guides sa mga paborito niyong laro, i-like at i-follow ang ONE Esports Philippines sa Facebook.
