Papalapit na ang nalalapit na playoffs ng Mobile Legends: Bang Bang Professional League Philippines Season 11 (MPL PH S11).
Nakatakdang iraos ang MPL PH S11 playoffs simula ika-apat hanggang ikapito ng Mayo. Anim na natitirang koponan mula noong nagdaang regular season ang maghaharap-harap para kilalanin ang susunod na kampeon ng liga at ang magiging kinatawan ng Pilipinas para sa paparating na MLBB Southeast Asia Cup 2023 (MSC 2023).
Narito ang lahat ng detalyeng kailangan niyong malaman tungkol sa huling yugto ng gumugulong na season, gaya ng schedule, resulta, format, at kung saan maaaring subaybayan.
Format ng MPL PH S11 playoffs
Pareho pa rin ng playoffs format ngayong season sa naging format simula noong maging franchise-based ang liga.
Magsisimula ito sa play-ins, kung saan maglalaglagan ang ikatlo hanggang ika-anim na seeds. Ang mga koponang makaka-abante dito ay makakapasok sa double-elimination bracket, kung saan naghihintay na ang top two teams ng regular season.
(Matatagpuan ang karagdagang detalye tungkol sa harapan ng seeded teams dito.)
Lahat ng laban ay best-of-five, maliban sa grand finals na best-of-seven.
Ang dalawang grand finalist ay mabibigyan din ng pagkakataon na maging kinatawan ng bansa para sa paparating na MSC 2023.
- Katatampukan nina Jessica Sanchez at Alison Shore ang MPL PH S11 Grand Finals
- BLCK vs OMG sa MPL PH Season 11 playoffs sementado na
Ang mga koponang bibida sa MPL PH S11 playoffs
| KOPONAN | REGULAR SEASON STANDING |
| BREN Esports | 1st seed |
| ECHO | 2nd seed |
| Blacklist International | 3rd seed |
| RSG Slate Philippines | 4th seed |
| ONIC Philippines | 5th seed |
| Smart Omega | 6th seed |
Schedule ng MPL PH S11 playoffs
Mayo 4
Play-ins
| KOPONAN | SCHEDULE | KOPONAN |
| BLCK | 13:00 | OMG |
| RSG | 17:00 | ONIC |
Mayo 5
Upper Bracket Round 1
| KOPONAN | SCHEDULE | KOPONAN |
| BREN | 13:00 | TBD |
| ECHO | 17:00 | TBD |
Mayo 6
Upper Bracket Finals
| KOPONAN | SCHEDULE | KOPONAN |
| TBD | 13:00 | TBD |
Lower Bracket Round 1
| KOPONAN | SCHEDULE | KOPONAN |
| TBD | 17:00 | TBD |
Mayo 7
Lower Bracket Finals
| KOPONAN | SCHEDULE | KOPONAN |
| TBD | 11:00 | TBD |
Grand Finals
| KOPONAN | SCHEDULE | KOPONAN |
| TBD | 17:00 | TBD |
Saan mapapanood ang MPL PH S11 playoffs
Mapapanood nang live sa SMX Convention Center ang playoffs ng tumatakbong season.
Samantala, maaari rin itong subaybayan sa mga opisyal na social media channels na matatagpuan sa mga susunod:
| PLATFORM | LENGGWAHE |
| MPL Philippines (Facebook) | Filipino |
| Mobile Legends Esports (Facebook) | English |
| Mobile Legends: Bang Bang (Facebook) | English |
| MPL Philippines (YouTube) | Filipino |
| MLBB eSports (YouTube) | English |
| Mobile Legends: Bang Bang (YouTube) | English |
Para sa karagdagang esports balita, guides, at highlights, i-follow lang ang ONE Esports Philippines sa Facebook.
BASAHIN: Para kay Z4pnu, ito ang pinakamalakas na player sa MPL PH Season 11
