Ipinakilala na ng BREN Esports ang mga manlalarong bubuo sa kanilang roster para sa ika-11 season ng Mobile Legends: Bang Bang Professional League Philippines (MPL PH).
Wala masyadong nabago sa roster ng BREN Esports. Naroon pa rin ang starting lineup na sumelyo sa playoff comeback ng koponan noong nakaraang season. Gayunpaman, marami sa mga reserve players nila ang nawala, gaya nina Kenneth “Saxa” Fedelin, Dale “Stowm” Vidor, Jomari “Jowm” Pingol, at Vincent “Joy Boy” Guzman.
Inanunsyo na rin ng M2 World Champions ang pagpasok ni Vrendon “Vren” Lin sa organisasyon. Siya ang hahali sa puwestong iniwan ni Coach Paulo “Pauloxpert” Munsayac, na dinala ang kanyang talento sa MLBB Professional League Indonesia team na Bigetron Alpha.
Matatandaang galing din sa naturang Indonesian team si Coach Vren. Kaso nga lang, matapos ang nagdaang season, kung saan nagtapos sa 4th place ang Bigetron Alpha, ibinahagi ng CEO ng koponan na si Edwin “Starlest” Chia na nagpaalam sila sa kanilang Pinoy na coach dahil hindi siya akma para sa kanilang players.
- Ayon kay MobaZane, ito ang region na dapat tanggalan ng slot kung gagawing 2 NA teams sa M5
- ONIC PH inihayag ang roster para sa MPL PH S11
Roster ng BREN Esports sa MPL PH Season 11
- Angelo “Pheww” Arcangel
- David “FlapTzy” Canon
- Marco “SUPER MARCO” Requitano
- Rowgien “Owgwen” Unigo
- Michael “KyleTzy” Sayson
- Vincent “Pandora” Unigo
- Francis “Ducky” Glindro (Coach)
- Vrendon “Vren” Lin (Coach)
Para sa karagdagang esports balita, guides, at highlights, i-follow lang ang ONE Esports Philippines sa Facebook.
