Pagkatapos ni Akshan, may bagong yordle champion ang darating sa League of Legends.
Hindi lang ang champion’s trailer ni Askhan ang inilabas ng Riot games, nagpatikim din sila tungkol sa paparating na ika-157 League of Legends champion.
Nakaplanong maglabas ng apat na bagong champions ngayong taon ang MOBA game developer at lahat ito kaugnay ng Ruination. Sina Viego, Gwen at Akshan ay naibunyag na, kaya ang parating na champion na ito ang magiging pinakahuli para sa taong ito.
3. ‘Gloomy’ mage daw ang champion na ito
Ang bagong yordel champion ay inilarawan bilang isang “gloomy” na nilalang na galit sa matitingkad na kulay ng Bandle City, ayon sa Lead producer ng Champions team na si Ryan “Reav3” Mireles. Bukod dito, hindi rin daw niya gusto ang mga hyperactive na champions at ang kanilang mga skillshots.
Dapat daw gagawin siyang isang artillery mage, ngunit dahil sa mga pagbabagong ginawa sa kaniya ay mas malapit siya sa kategoryang classic mage.
2. Malaki ang parte niya sa istorya ni Viego
Orihinal na plano ng Riot na ilabas ang bagong yordle champion bago kay Akshan. Subalit, nangailagan ng mas maraming oras ang developers para ayusin pa ang kaniyang kit.
“We needed to create some new tech to visually sell her source of power,” ani ni Reav3 sa April League of Legends champion roadmap.
Ibinahagi din ng Riot games na malaki ang gagampanan ng bagong yordle champion sa kwento ni Viego.
1. Heto ang patikim sa bagong yordle champion
Sa pagtatapos ng video kung saan ipinakilala si Akshan, maraming players ang nakapansin ng misteryosong karakter na nakaupo sa tabi ng LoL champions na si Olaf, Riven, Shyvana at Draven.
Mataas ang tiyansang ito ang bagong yordle lalo na at mapapansing siya ay maliit at may hawig na hayop ang mukha. Ang kaniyang matataas at matutulis na mga tainga ay hindi mapagkakamalang kay Poppy o kaya kay Tristana.
Mukhang nababagabag ang karakter na ito at posibleng siya na nga ang bagong Leage of Legends yorlde mage.
Marami nang naporma na teorya ang mga miron. May ibang nagsasabi na ang pangalan daw niya ay Norra, ang dating may ari kay Yummi.Magiging kakampi ba ng karakter si Viego, o gagamitin ng karakter ang kaniyang lakas laban sa kaniya gaya ng ginawa ni Gwen? Kaabang-abang ito!
