Ang Japanese figure manufacturer na Good Smile Company ay naghatid muli ng isa pang maliit na bersyon ng ating mga paboritong League of Legends champions.
Ang pinakabagong Nendoroid figure ay nasa anyo ng marksman bot laner at Daughter of the Void na si Kai’Sa sa kaniyang chibi form. Si Nendoroid Kai’Sa ay nakasuot ng kaniyang default League of Legends na skin – isang gray suit, Void shoulder pods na may purple accents.
Mayroon ring dalawang interchangeable faceplates ang figure na nagpapakita ng mga standard at combat expressions ni Kai’Sa. Maliban dito, maari mo ring itago ang kaniyang mukha sa pamamagitan ng pagsuot ng kaniyang Void Mask para mas magmukhang katakot-takot ito.
Dinagdag rin ng Good Smiley Company ang isang particle effect na hahayaan kang gayahin ang ultimate ability ni Kai’Sa — ang Killer Instinct. Ngayon kompleto na ang iyong League of Legends diorama!
Si Nendoroid Kai’Sa ang pang-limang figure mula sa Nendoroid collaboration ng Good Smile Company sa Riot Games’ League of Legends MOBA. Ito ang full na listahan ng mga numero ng mga Nendoroids para sa mga collectors diyan:
- 411 – Nendoroid Ahri
- 635 – Nendoroid Ezreal
- 1458 – Nendoroid Lux
- 1535 – Nendoroid Jinx
- 1606 – Nendoroid Kai’Sa
Available na for preorder si Nendoroid Kai’Sa at ito ay ilalabas sa Nobyembre ngayong taon. Ang official League of Legends na figure na ito ay binebenta sa halagang US$67. Maari mo ring bilhin si Nendoroid Kai’Sa sa GoodSmile’s Online Shop o sa kanilang international partners.
