Isang nakakabiglang pentakill ang inihatid Akali ni Jeong “Chovy:” Ji-hoon ng Hanhwa Life Esports sa Week 5 ng 2021 LCK Summer.
Isang tunay na assassin ang Akali ni Chovy para sa KT Rolster sa 2021 LCK Summer
Tabla ang series laban sa KT Rolster sa score na 1-1. Sa puntong ito, pinasya ng Hanwha Life Esports na sumunod kay Chovy at sa kanyang killer instincts sa game three.
Bagamat nabiktima ng Thresh hook ang Kog’Maw ni Kim “Deft” Hyuk-kyu sa 22-minute mark, nanatili sa pwesto ang mga natirang myembro ng Hanwha Life Esports upang suportahan si Chovy sa mid lane.
Ang pagpasok ng Akali ni Chovy para sa pentakill
Nang mag-umpukan sa isang lokasyon ang mga myembro ng KT Rolster, nag-flash ang Akali ni Chovy patagos ng Raptor camp wall, nagbitaw ng Perfect Execution, at nagpakawala ng Twilight Shroud sa gitna ng kaguluhan.
Habang naglilibot sa kanyang smoke, sinimulan ni Chovy ang kanyang killing spree sa pagbato ng Five Point Strike sa Aphelios ni Oh “Noah” Hyeon-taek.
Sumunod sa listahan ni Chovy ay ang gangplank ni Choi “Doran” Hyeon-joon. Matapos mapatama ang isa pang Five Point Strike sa KT top laner, ginamit nya ang pangalawang charge ng Perfect Execution, minarkahan sya gamit ang Shuriken Flip, at lumipad sa gitna ng mid lane para sa ikalawang kill,
Nakatanggap ng mabibigat na tama si Chovy mula sa Sylas ni Dove, pero tinapos nya rin kanyang katapat sa mid lane sa pamamagitan ng ilang auto attacks.
At para kumpletuhin ang pentakill, humabol ang HLE mid laner gamit ang dash ng Shuriken Flip, at pinitas ang Volibear ni Kang “Blank” Sun-gu at Thresh ni Lee “Harp” Ji-yoong sa jungle.
Matapos ang ilang pang laban at Baron buff, nanalo ang Hanwha Life Esports sa game three para sa isang nakakabilib na 2-1 reverse sweep laban sa KT Rolster.
Tinapos ni Chovy ang game na may nakakbilib na 12/0/2 KDA, at walang dudang itinanghal bilang Player of the Game.
Ang Hanwha Life Esports ay kasalukuyang may record na 4-6 sa 2021 LCK Summer at kakaharapin ang Gen.G sa July 17, 4 p.m. GMT+8.
Panoorin ng live ang mga maaksyong laban sa official 2021 LCK Summer Twitch at YouTube channels
