Inilabas na ang opisyal na trailer para sa Resident Evil Netflix series noong Geeked Week 2022, ang virtual showcase ng mga paparating na sci-fi at fantasy titles ng nasabing streaming platform.
Nakabase sa survival horror game franchise na may parehong pangalan ang The Resident Evil na series, pero hindi masyadong saklaw sa storya nito ang T-virus. Umiikot ang palabas sa dalawang ampon ni Albert Wesker at kung paano nila nadiskubre ang malagim na sikreto ng kanilang kumpanya na Umbrella Corporation.
Narito ang lahat ng kailangan mong malaman tungkol sa Resident Evil series, katulad ng storya, bilang ng mga episode, mga gaganap na artista, at kung kailan ipapalabas.
Tungkol saan nga ba ang Resident Evil Netflix series?
Tungkol sa global outbreak ng T-virus ang sci-fi horror series na Resident Evil. Ang virus na ito ay may kakayahang gawing zombie o malakas na halimuaw ang sino mang mahahawaan nito.
Sa dalawang magkaibang panahon iikot ang storya. Una ay sa taong 2022, ang simula ng virus outbreak sa Raccoon City, ang lokasyon ng Umbrella Corporation.
Trabaho ni Wesker na gumawa ng mga anti-depressant na kung tawagin ay “Joy”. Nagbibigay ito ng mga benepisyo sa kalusugan ng mga gumagamit, pero naglalaman din ito ng nakamamatay na T-virus. Ang mga anak niyang sina Billie at Jade, na test subject dapat para sa nasabing gamot, ang makakabuko sa masamang pinaplano ng kumpanya.
Ang ikalawang panahon naman ay sa taong 2036. Tampok na dito si Jade at kung paano siya namumuhay mag-isa sa lansangan ng London. Ngayong nasakop na ang mundo ng mga zombie, kailangang makipagtulungan ni Jade sa mga iba pang survivor bilang huling pag-asa ng sangkatauhan.
Bilang ng episode at mga direktor
Ang unang season ng Resident Evil ay may walong tig-60-minuto na episodes. Sa likod ng mga ito ang apat na direktor: Bronwen Hughes, Rob Seidenglanz, Rachel Goldberg, at si Batán Silva.
Ang cast ng Resident Evil Netflix series
Narito ang cast ng Resident Evil series sa ngayon:
| ARTISTA | GAGANAP BILANG |
| Siena Agudong | Billie Wesker (2022) |
| Tamara Smart | Jade Wesker (2022) |
| Adeline Rudolph | Billie Wesker (2038) |
| Ella Balinska | Jade Wesker (2038) |
| Lance Reddick | Albert Wesker |
| Turlough Convery | TBA |
| Connor Gosatti | TBA |
| Paola Núñez | Evelyn Marcus |
| Lea Vivier | Susana Franco |
| Mpho Osei Tutu | Yen |
| Ayushi Chhabra | Dr. Amrita Singh |
| Christina Knight | Ms. Foster |
| Emile Hager | Alan |
| Hanni Heinrich | Janet |
| Ahad Raza Mir | Arjun Batra |
| Bjorn Steinbach | Felix Mort |
Kailan ipapalabas ang Resident Evil
Ipapalabas ang Resident Evil Netflix series sa ika-14 ng Hulyo.
Para sa karagdagang balita sa esports, at guides sa mga paborito niyong laro, i-like at i-follow ang ONE Esports Philippines sa Facebook.
Ito ay pagsasalin sa Filipino mula sa orihinal na akda na matatagpuan dito.
BASAHIN: Tarnished Viper! Randy Orton gumastos na ng 551 million Runes sa Elden Ring
