I-level up ang iyong inumin gamit ang kakaibang Buster Sword ice tray base sa iconic weapon ng FF7.
Kailangan natin ang Buster Sword ice tray sa buhay natin
Sumobra sa creativity ang mga taga-Square Enix merchandise department at nakaisip silang maglabas ng bagong item na saktong-sakto sa summer season – oo, ang tinutukoy naming ay ang Final Fantasy VII (FF7) Buster Sword ice tray!
Gawa ito sa silicon material kaya wala ka nang ibang gagawin kundi maglagay ng tubig at palamigin ito sa freezer ng ilang oras.
Kaya nitong gumawa ng tatlong mini ice swords na sabay-sabay na tamang-tama naman sa tag-init.
Pwede mo itong ilagay sa iyong tubig, iced coffee, o kahit pa sa alak, para ma-enjoy mo ang iyong inumin habang nagbabalik tanaw sa mga adventures mo sa Midgar.
Bukod sa yelo, puwede ring gamitin ang Buster Sword ice tray bialng mold para sa chocolates.
Ang official FF7 buster Sword ice tray na ito ay mabibili sa Square Enix store Japan website. Nagkakahalaga ito ng US$18 o JP¥1,980.
Ang kasaysayan ng Buster Sword sa FF7
Ang Buster Sword ay isang iconic broadsword na gamit ng bida na si Cloud Strife.
Nakuha ito ni Cloud mula sa kanyang kaibigan at mentor na si Zack Fair, ilang sandal bago sya mamatay. Ang espada ay nagmula naman kay Angeal Hewley, ang mentor ni Zack.
Mula noon, naging trademark weapon na ni Cloud ang Buster Sword, na nagpakita rin sa iba’t ibang Final Fantasy titles.
