Ang isang malupit na karaoke song ay kaya kang pakantahin nang malakas at gawin kang inspired pagkatapos nito.
Katulad din ito sa maraming anime theme songs na sikat sa kanilang upbeat energy at melancholy, na akmang-akma para sa isang karaoke session kasama ang mga kaibigan.
Kasama pa ang popularidad ng anime, hindi na nakakagulat na ang anime theme songs ang ilang paboritong kantahin sa karaoke gatherings.
Anu-anong anime theme songs kaya ang nasa tuktok ng karaoke charts? Narito ang most sung anime theme songs sa mga karaoke machine noong nakaraang taon.
No. 1 ang Kaibutsu ng YOSABI sa mga anime theme songs ng 2021
Pinagharian ng YOASOBI ang karaoke machines noong 2021 sa pamamagitan ng kanilang hit single na “Kaibutsu” na ang literal na kahulugan ay “monster” sa Ingles o halimaw sa Filipino. Ang Kaibutsu ang opening theme song ng ikalawang season ng BEASTARS, isang anime na nakasentro sa anthropomorphic animals na tinatalakay ang human condition.
Ni-record naturang kanta ng Japanese musical duo na YOASOBI na binubuo nila producer-songwriter Ayase at singer Lilas Ikuta. Dahil sa upbeat rhythm at catchy lyrics nito, pinangibabawan ng Kaibutsu ang listahan ng Daiichi Kosho na most sung anime theme songs of 2021. Kabilang sa listahan na ito ang data na nakuha mula sa DAM karaoke-one-demand service ng naturang electronics company na ginagamit sa buong Japan.
Pangatlo din ang isa pang kanta ng YOASOBI na “Yasashii Suise“, ang Season 2 ending song ng BEASTARS.
Samantala, pumangalawa naman ang opening song ng Tokyo Revengers na “Cry Baby” ng Official Hige Dandism habang ang ending song naman nito na “Koko de Iki o Shite” ng eill ay nasa 10th spot. Kabilang ang Tokyo Revengers sa best anime shows of 2021.
Nasa karaoke chart din ang kilalang anime singer na si LiSA sa kanyang kanta na “Akeboshi” mula sa Demon Slayer: Kimetsu no Yaiba Mugen Train Arc.
Narito ang top 10 karaoke anime theme songs of 2021 ayon sa Daiichi Kosho:
| RANK | SONG TITLE | ANIME | RECORDING ARTIST |
| #1 | Kaibutsu | BEASTARS Season 2 | YOASOBI |
| #2 | Cry Baby | Tokyo Revengers | Official Hige Dandism |
| #3 | Yasashii Suisei | BEASTARS Season 2 | YOASOBI |
| #4 | Akeboshi | Demon Slayer: Kimetsu no Yaiba Mugen Train Arc | LiSA |
| #5 | Yume o Kakeru! | Uma Musume Pretty Derby Season 2 | Various voice actors |
| #6 | Mahi | 2.43 Seiin High School Boys Volleyball Team | yama |
| #7 | No. 1 | My Hero Academia Season 5 | DISH |
| #8 | Infinity | Sk8 the Infinity | Yuri |
| #9 | Gotobun no Katachi | The Quintessential Quintuplets Season 2 | Nakano-ke no Itsutsugo |
| #10 | Koko de Iki o Shite | Tokyo Revengers | eill |
Maaari niyong makita ang buong listahan sa website ng Daiichi Kosho.
Pagsasalin ito ng artikulo ni Kristine Tuting ng ONE Esports.
